Ilir Kulla, i njohur si studiues për çështjet e sigurisë dhe njëherësh një nga këshilltarët informalë të kreut të Lëvizjes Socialiste për Integrim, Ilir Meta, ka thënë se kryetari i LSI-së i ka kërkuar kryeministrit Rama, që të japë dorëheqjen për t’i hapur rrugë, zgjidhjes së krizës politike.
Kulla, i cili është një nga njerëzit e afërt të Metës, të cilin e këshillon shpesh në selinë e Lëvizjes Socialiste për Integrim, thotë se Meta, ia ka shprehur Ramës kërkesën e dorëheqjes, në mënyrë që opozita të futet në parlament, të tërhiqet nga posti i Kryeministrit.
“Merru vesh me opozitën, dhe të bëjmë një qeveri të pranuar nga të gjithë për të bërë një palë zgjedhje për të cilën do e udhëheqësh ti koalicionin. I ka thënë tërhiqu nga pozicionet që ke tani se ne nuk mund të shkojmë në zgjedhje pa opozitën.”, është shprehur Kulla në emisionin “Zonë e Lirë”.
