Një nga simbolet e rëndësishme të Podgoricës është edhe Kulla e Sahatit. Ajo është ndërtuar në kohën e Perandorisë Osmane në fund të shekullit 17-të dhe tani po restaurohet nga Agjencia Turke për Bashkëpunim (TIKA).
Kulles me gjatësi 16m e ndërtuar nga Haxhı Mehmed Pasha Osmanagiç, pas kapitullimit të perandorisë i është vendosur kryqi ortodoks.
Sipas të dhënave , kur Haxhi Pasha Osmanagiç e ndërtoi atë, ajo nuk kishte simbole fetare siç ka sot. Prandaj TIKA kishte vendosur që pas restaurimit ajo të kthehet në gjendjen origjinale, pra pa asnjë simbol fetar, gjë që shkaktoi reagimin e një grupi qytetarësh të komunitetit ortodoks. Ata shprehen shqetësimet e tyre tek zyra e trashëgimisë kulturore dhe kërkuan që kryqi të vendoset përsëri pas të kryhet restaurimi.
Por autoritetet e komunës së Podgoricës, bënë të ditur se zgjidhja e tyre është që në Kullën e Sahatit të mos ketë simbole fetare, pasi Podgorica është qytet shumë-fetar ku jetojnë edhe një numër mjaft i madh popullsie myslimane, si shqiptarë ashtu, boshnjakë e malazezë.
Në anën tjetër në lidhej me rastin ka reaguar edhe krye-imami i Podgoricës dhe Nikshiqit, Xhemo Rexhematoviç i cili ka konsideruar kërkesën e komunitetit ortodoks si të pa pranueshme.
“Kryqi në Sahat-kullën e Podgoricës ofendon çdo qytetar qëllimmirë, e në veçanti arkitektët të cilët dinë se cilës trashëgimi i përket Sahat Kulla”, theksoi ai në një interviste për mediat lokale.
Duke pasur parasysh se të gjitha objektet fetare dhe të tjera, janë bërë në dobi të popullatës, kështu edhe Sahat-kulla në atë kohë ka luajtur rolin e saj, si matës i kohës. Sahat-kullat u kanë shërbyer të gjithë qytetarëve, pa dallim feje apo dallime tjera mes njerëzve. Ato nuk kanë karakter fetar, prandaj është e tepërt nëse në ato vende vendoset ndonjë simbol fetarë”, shtoi Rexhematoviç.
Vlen të ceket se në atë kohë, kur është vënë kryqi, Sahat-kulla ka qenë në pronësi të shtetit, ndërsa sot është në pronësi të komunës së Podgoricës.
