Disa lojtarë e drejtues të Kukësit janë akuzuar disa muaj më parë nga kompania e basteve “Sportradar”, se ndeshja miqësore e zhvilluar me Dinamon e Moskës në Jenbach, ku rusët fituan me rezultatin e thellë 6-0. Gjyqi u zhvillua nga Prokuroria e Innsbruckut në Austri dhe pas hetimeve disa mujore, kanë dalë në përfundimin se nuk ka asnjë provë që vërteton akuzat.
Hetimet disa mujore të zhvilluara nga Prokurorisa e Innsbruckut në Austri kanë dalë në përfundimin se: “FK KUKËSI, nuk është përfshirë në asnjë manipulim, apo aferë korruptive në paravendosjen , apo trukimin e ndeshjeve miqësore gjatë fazës përgatitore në verën e këtij viti në Austri, ku ka qëndruar nga data 23 qershor deri më 13 korrik.”
Zyra e Prokurorit Publik dhe Prokurori Mag. Florian Oberofer, dhe avokatët, kanë sjellë pranë zyrës juridike të klubit gjithë raportin e detajuar për 11 lojtarët dhe 2 drejtuesit e ekipit , që u morën në pyetje në rajonin e policisë pranë “ Hotel Butique Hein”, ku ekipi kishte mbërritur pas 6 orëve udhëtim me autobus nga Salzburgu.
Pasi kanë marrë në pyetje pjesëtarët e ekipit dhe u janë marrë dhe telefonat, ku ekspertët e policisë kanë bërë hetimet e duhura në raport thuhet qartë se Protokollet ne Zyrën Federale të Policisë Kriminale , nuk vërtetojnë manipulimi të qëllimshëm lojës dhe rezultatit të saj.
Hetimi u ngrit në bazë të një padie që bëri kompania e basteve ”Sportradar “, në ndeshjen miqësore ndaj Dinamos së Moskës, luajtur në Jenbach, më 4 korrik 2017, ku rusët fituan 6 me 0.
Për këtë çështje ka shkruar dhe portali austriak kurier.at, ku ndër të tjera shkruan:
“Lojë e dyshimtë e futbollit: Dyshimi i manipulimit nuk është konfirmuar”
“Si dyshohet kampioni shqiptar FK Kukësi”
Rrallë herë ka ndodhur që një ndeshje miqësore ka arritur të marrë kaq shumë vëmendje si ndeshjen e futbollit të Kampionit të Shqiptare FK Kukësit kundër Dinamo Moskë më 4 korrik në Tirol. Rezultati i lartë dhe ndërrimet gjatë ndeshjes bën të hidhen hije dyshimi. Tani hetimi i përpiktë i Policisë Federale Kriminale (BKA) dhe prokurori në Insbruk kanë përfunduar. “Të gjitha hetimet kanë përfunduar”, thotë avokati Klaus Ainedter i cili përfaqëson lojtarët shqiptarë dhe klubin e tyre.
“Pretendimet përfundimisht kanë provuar të jenë plotësisht të pabaza.” “Një manipulim i qëllimshëm i lojës subjekt ose vendosja e basteve nga i akuzuari nuk mund të përcaktohej në bazë të provave të paraqitura nuk ka asnjë arsye reale për ndjekje të mëtejshme”. Dy ditë më parë, hetuesit e BKA-së kishin dorëzuar raportin e tyre përfundimtar tek autoriteti.
