Me fluksin e turistëve gjatë verës, Policia Rrugore e Kukësit ka marrë masa për përballimin e trafikut gjatë muajve të verës.
Sipas efektivëve të qytetit verilindor, është hartuar një plan masash për të rritur sigurinë rrugore, sidomos në Rrugën e Kombit me qëllim parandalimin e aksidenteve rrugore.
Gjithashtu, mësohet se do të ketë shërbime të përforcuara të policisë rrugore, patrulla të përgjithshme dhe forca të ndërhyrjes së shpejtë.
Gjatë stinës së verës, sipas statistikave, më shumë se dy milionë shqiptarë të Kosovës dhe të huaj i drejtohen bregdetit përmes pikës kufitare të Morinës.
