Deputeti i Parlamentit Evropian, Eduard Kukan citoi në një postim në Twitter fjalët e Shefes së Diplomacisë së BE-së, Federica Mogherinit, teksa theksoi se integrimi në Bashkimin Evropian do të bazohet vetëm në meritë.
“Federica Mogherini mbi Ballkanin Perëndimor: Procesi bazohet tek merita, por 2025 duhet të jetë një afat realist për vendet të cilat janë në negociata për integrimin në BE, si edhe për ato të cilat sapo kanë nisur negociata”, shkruan Kukan, duke cituar Mogherinin, ndërsa vijon më tej:
“Federica Mogerini mbi Ballkanin Perëndimor: Nuk është proces teknik por është një proces real i bazuar mbi transformimin… Dyert janë të hapur dhe ne ju duam ju në familjen tonë europiane… Viti 2018 është viti ku procesi mund të bëhet i pakthyeshëm”.
.@FedericaMog on #WesternBalkans in #EPlenary : “The process is not technical, it is real and leads to transformation… This strategy reconfirms the committments. The doors are opened, we want you in… 2018 can be the year when the process becomes irreversible.”
— Eduard Kukan (@EduardKukan) February 6, 2018
Sot, KE prezantoi strategjinë për zgjerimin e 6 vendeve të Ballkanit Perëndimor, ndërsa Mogherini tha gjatë fjalës së saj se Shqipëria dhe Mali i Zi kanë qenë zbatuese 100% sa i përket politikave të jashtme. Sipas saj, Ballkani Perëndimor është pjesë e Evropës, shkruan ata.
“Vendet e Ballkanit Perëndimor ndajnë të njëjtën histori, do të kemi një të ardhme të përbashkët. Shqipëria dhe Mali i Zi kanë qenë zbatuese 100% sa i përket politikave të jashtme. E ardhmja e përbashkët është prioriteti me të cilin po punon BE. Kjo strategji është prioritet i qartë për vendet e Ballkanit. Duhet të vijojnë reformat nga këto vende në të mirë të qytetarëve. Nuk ka një datë të saktë, por perspektiva mbetet e qartë dhe vizioni po ashtu. Kjo nuk vlen vetëm për ato vende për të cilat kanë nisur negociatat, por edhe për vendet e tjera. Kjo strategji është hapi i parë i BE, në muajt në vijim do të ketë hapa të tjerë”, deklaroi Mogherini.
