Ndarja me bashkëshorten e kanë çuar Majlind Lilën drejt aktit ekstrem për të vrarë me pistoletë ish-vjehrrin dhe ish-vjehrrën, e më pas për ti dhënë fund edhe jetës së tij.
Sherri me vjehrrin dhe vjehrrën
Mes Majlind Lilës dhe çiftit të bashkëshorteve Mata ka pasur një natë më parë një telefonatë me tone të tensionuara, dhe këtë të hënë në mëngjes, Majlind Lila ka shkuar në shtëpinë private tek “Unaza e Re”, duke shkaktuar një masakër të vërtetë.
Bashkëjetesa me gruan
Majlind Lila kishte bashkëjetuar për gati 1 vit e gjysmë me Nevila Matën, vajzën e dy viktimave, Bujar dhe Valentina Mata, por pa bërë celebrim. Nga kjo bashkëjetesë, ata kishin edhe një fëmijë të mitur. Por pas lindjes së fëmijës, ata kishin mosmarrëveshje dhe prej një viti ishin të ndarë. Nevila jetonte në Suedi bashkë më femijën e mitur, ndërsa autori Majlind Lila lëvizte dhe jetonte në disa vende të BE-së.
Kujdestaria e fëmijës
Ka dyshime të forta se krimi i rëndë ka ndodhur për shkak të kujdestarisë së fëmijës, edhe pse kjo është ende një pistë që mbetet të konfirmohet nga hetuesit.
Masakra/Ishte kthyer para dy ditësh nga Suedia, bënte përgjegjës prindërit e partneres për ndarjen
