Juventusi ka siguruar vendi e dytë në grup, pasi ka mposhtur me rezultatin 2-0 Olympiacosin në Athinë. Gjithcka varej nga italianët sa i përkiste kualifikimit edhe pse Sportigu i Lisbonës kishte një sfidë mjaft të vështirë, përballë Barcelonës ku dhe u mposht e rezultatin 2-0, me gola të Paco dhe autogoli i ishit të katalanasve, Mathieu. Ndërsa Juventusi e gjeti golin që në minutat e para me anë të kolumbianit, Cuadrado dhe në minutën e fundit të kohës së rregullt dyfishoi me Bernardeskin.
Romës nga ana tjetër i ka mjaftuar vetëm një gol në pjesën e dytë të shënuar nga Perroti për të siguruar kualifikimin, por edhe vendin e parë në grup. Pasi Chelsea u ndal në Londër nga Atletico Madrid me rezultatin 1-1. Skuadra e simeone kishte disa vite që siguronte pjesëmarrjen përtej fazës së grupeve, madje kanë ecur edhe shumë larg, por këtë vit do të kënaqen me një Europa League.
Baseli i Taulant Xhakës ka siguruar vendin e dytë pasi ka arritur të fitojë me rezultatin e pastër 2-0 në Portugali përballë Benficas. Kjo e fundit e mbylli fazën e grupeve me 0 pikë. Ndërsa CSKA u përmbys nga United në pjesën e dytë me gola të Lukakut dhe Rashford, pasi rusët kishin kaluar në fundin e pjesës së parë në avantazh. Manchesteri me këtë fitore ka marrë edhe vendin e parë në grup.
Bayer Munich e ka përfunduar me sukses misionin hakmarrja ndaj PSG, duke e mposhtur me rezultatin 3-1 në “Allianz Arena”. Edhe pse bavarezët triumfuan nuk arritën që të marrin vendin e parë, kështu që do të kenë një përballje të vështirë në ndeshjen e radhës në Champions. Celtic u mposht në Skoci nga belgët e Anderlecht, por kjo fitore vlejti vetëm për statistikë, pasi zona e Europa Leagues mbeti sërish për skocezët.
