Pas largimit të Cristiano Ronaldo, Real Madrid u hodh në sulm për të gjetur zëvendësuesin e tij apo të paktën të bënte një blerje të rëndësishme. Por pasi u përballën me çmime ekstreme dhe lojtarë që i refuzuan, drejtuesit e “Los Blancos” janë përpjekur që të riparojnë ‘dëmin’ në sulm me një 37-vjeçar. Në një intervistë për “Onda Cera” sulmuesi i Betis, Joaquin Sanchez shpjegoi arsyet përse nuk nënshkroi me Real Madrid-in gjatë merkatos së verës.
“Nuk kishte asgjë për të nënshkruar me Real Madrid, presidenti Lopera e dinte se dëshira ime ishte që të luaja me Real Madrid sepse kjo ishte një mundësi artë për mua. Por, Betis kërkoi një shumë të lartë parash”, shpjegoi spanjolli.
Sulmuesi 37-vjeçar tha se priste që të grumbullohej edhe me kombëtaren e Spanjës, por një gjë e tillë nuk ndodhi.
“Unë isha duke pritur deri në momentin e fundit thirrjen e Luis Enrique për përzgjedhjen time. Kombëtarja është diçka që unë e dua dhe shpresa është gjithmonë, edhe pse unë jam realist dhe e di se është shumë e komplikuar”, përfundoi lojtari Betis.
Si duket Joaquin është ende në pritje të një vendimi të dytë, mbetet për tu parë sa do të realizohet dëshira e tij
