Pak më herët, policia e Durrësit njoftoi se arrestoi në flagrancë dy punonjës të Inspektoriatit Tatimor, të cilët duke shpërdoruar detyrën, kërkonin dhe iu merrnin ryshfet bizneseve gjatë inspektimit të tyre, shuma në vlera monetare që shkonin deri në 200 000 lek për çdo rast. Një ndër to ishte dhe Artan Kroi, kryetar i PS-së në njësinë nr 3 në Tiranë. Para se policia të vihej në veprim, sinjalet e para i kishte dhënë deputeti demokrat, Myslym Murrizi, i cili shkruante se ngjarja po fshihet me urdhër politik.
Ai shkruante ndër të tjera se Fatmir Xhafaj ka urdhëruar fshehjen e ngjarjes, dhe manipulimin e provave. Po kështu, deputeti përcjell detaje tronditëse, ku thotë se Artan Kroi nuk duhet të ishte në administratë, sepse ai rezulton i dënuar me 7 vjet burg, për trafik ndërkombëtarë droge në Greqi, në vitin 2004 me emrin Marjels Kroj. Ai zbulon se duke ndërruar emrin, i është shmangur ligjit të dekriminalizimit.
https://tiranatoday.com/gjoba-deri-ne-200-mije-leke-per-bizneset-zbardhet-plani-i-inspektoreve-te-prangosur/
