Një nga kandidatët për kryeprokurorin e përkohshëm është dhe Arqile Koça. Emri i tij lidhet me hetimin e çështjes së Azem Hajdarit dhe të Gërdecit. Koça ka filluar të punojë si prokuror shumë herët. Ai ka punuar prokuror në rrethet Devoll e Korçë, nga ku më pas është transferuar në Prokurorinë e Përgjithshme. Koça ka qenë anëtarë i Këshillit të Prokurorisë për tre vite nga 2005 deri në vitin 2008, kur i mbaroi mandati.
Emri i Arqile Koçës lidhet me; çështjen e Azem Hajdarit të cilën e ka patur më të rëndësishmen në fillimet e veta ku ka qenë pjesë e grupit të prokuroreve me Haki Giun, Shkëlqim Hajdarin, Sokol Stojanin, Edmond Rizajn.
Sakaq prokurori Koça ka qenë pjesë e grupit hetimor për dosjen Gërdeci si dhe pjesë e grupit hetimor për çështjen e vrasjes së Azem Hajdarit.
Tashmë Koça kërkon të rikthehet sërish në Prokurorinë e Përgjithshme, jo në këshill, por në krye të saj.
Nga të dhënat e bëra publike mësohet se Arqile Koça ka vite që punon në Prokurorinë e Përgjithshme. Sakaq Arqile Koça ka edhe pasaportë greke.
Prokurori Arqile Koça, ka ushtruar për disa vite funksionet në Drejtorinë e Hetimit dhe Ndjekjes Penale. Nga viti 2013 ai drejton Drejtorinë Gjyqësore dhe të Mbikqyrjes së Vendimeve Penale dhe Vuajtjes së Dënimit.
Vetëm sot në pak orë para mbylljes së afatit për zgjedhjen e kandidaturave për prokurorin e përgjithshëm të përkohshëm, Koça ka dorëzuar dokumentet për të hyrë zyrtarisht në garë për këtë post.
