Presidenti i Republikës, Ilir Meta dhe ambasadori amerikan në Tiranë, Donald Lu i janë përgjigjur pozitivisht ftesës së Valbona Zenelit për promovimin e librit të saj. Meta dhe Donald Lu morën pjesë në promovim dhe më pas vendosën të bëjnë një takim informal të pa lajmëruar. Të dy janë parë në ambientet e resortit Carlsberg në kryeqytet.
Takimi Meta-Lu vjen dy ditë para zgjedhjes se kryeprokurorit të ri të përkohshëm. Kuvendi ka njoftuar se më datë 18 dhjetor, ditën e hënë do të votohet dhe kryeprokurori i ri i përkohshëm. Ndërkohë të hënën Partia Demokratike dhe Levizja Socialiste për integrim kanë njoftuar se do të protestojnë para Parlamentit. Mazhoranca po zgjedh një kryeprokuror të përkohshëm me “bekimin” e diplomatit amerikan ndërsa opozita e konsideron këtë një akt antikushtetues.
Portali “BalkanWeb” ka mundur të sigurojë edhe fotot nga momenti kur ambasadori Lu dhe Presidenti i vendit i janë parë të hyjnë në ambientet e Carlsberg.
