Gjatë një vizite në qytetin Santander, kryeministrja e Serbisë, Ana Brnabiç, është shprehur se ministri i Jashtëm i Spanjës, Josep Borrell e mbështet qëndrimin e Spanjës kundër pavarësisë së Kosovës.
Brnabic tha se Borrell, i cili është kandidat për shef të politikës së jashtme të Bashkimit Evropian, “do të ketë një qëndrim të balancuar dhe objektiv”, derisa një nga prioritetet e tij do të jetë çështja e Kosovës.
“Qëndrimi i BE-së ndaj pavarësisë së Kosovës është neutral. Ajo nuk ka qëndrim sepse nuk ka konsensus. Ka anëtarë që kanë njohur pavarësinë e Kosovës, ka që nuk e kanë njohur”, deklaroi Brnabiç.
Brnabiç po ashtu tha se Borrell ka tërhequr vëmendjen “për dy gjëra të rëndësishme”: që BE-ja është garantuese e marrëveshjes së Brukselit dhe që Kosova me taksën ndaj mallrave të importuara nga Serbia shkel direkt Marrëveshjen e Stabilizim Asociimit.
Kujtojmë se Spanja është 1 nga 5 vendet anëtare të Bashkimit Evropian, të cilat nuk e njohin pavarësinë e Kosovës.
