Kryeministri i Holandës, Mark Rutte deklaroi se do të dëshironte ta shihte Hungarinë jashtë Bashkimit Europian, nëse vazhdon të shkojë kundër vlerave të unionit, siç ka vepruar me legjislacionin e ri mbi homoseksualitetin.
”Nëse ata refuzojnë të tërheqin legjislacionin, ‘atëherë për sa më përket mua, nuk do të mbetet asgjë për ta në BE,” tha ai përpara samitit Evropian të së enjtes, shkruan Dutch News.
Rutte iu referua ligjin të miratuar nga Hungaria, që ndalon diskutimet dhe shpërndarjen në shkolla të informacioneve, që mendohet se promovojnë homoseksualitetin dhe ndërrimin e gjinisë.
Ligji, më saktësisht, u ndalon fëmijëve dhe të rinjve librat, filmat dhe përmbajtjet që flasin për seksualitet tjetër, përveç heteroseksualitetit.
”BE nuk ka kompetenca për të ndërhyrë në ligjet kombëtare të Hungarisë, por mund të fillojë procedurat ligjore”, tha Rutte.
