Në mbledhjen e kabinetit, kryeministri grek Tsipras njoftoi se pas 11 vitesh do të rrisë pagën minimale mujore me 10.9%.
“Ju ftoj të miratoni propozimin tim, që paga minimale mujore të rritet tashmë dhe të shkojë në 650 euro”, tha Alexis Tsipras.
Sipas deklaratave të kreut të qeverisë, rroga minimale shkon nga 586 euro në 650 €, për personat mbi 25 vjeç, ndërsa për ata poshtë kësaj moshe rritja është 140 euro në muaj.
Pavarësisht lajmeve të mira, grekët janë skeptikë nëse do të zbatohet nga punëdhënësit, ku pavarësisht ligjeve të rrepta vazhdojnë të mbajnë një pjesë të mirë të të punësuarve me paga informale dhe të pasiguruar.
