Kreu i grupit parlamentar të LSI-së, Petrit Vasili ka reaguar lidhur me fjalimin e kryeministrit Rama në foltoren e Kuvendit.
Ai e ka ironizuar Ramën, për të cilin shkruan se vuri kujën mes parlamentit për Sandër Lleshin, por jo për Shqipërinë që u mbyt me drogë.
“Duket një qarje që shkon përtej kushtetutës, një qarje që i del nga zemra, nga shpirti dhe nga trupi. Mbaje veten kryeministër se le nam mos ngatërro punët e shtetit me punët e shpirtit”, shkruan ndër të tjera deputeti i LSI-së.
Ndërkohë, ai ka zgjedhur të mos komentojë përgjigjen që kryeministri Rama i dha presidentit për mosdekretimin e Sandër Lleshit si ministër i Brendshëm.
Reagimi i Vasilit:
Kryeministri i plagosur shpirterisht qan per Lleshaj ne kuvend.
Kryeministri qe nuk vuri kujen se Shqiperia u mbyt me droge dhe u pagezua si Kolumbia e Europes,apo qe eshte vendi i pare ne Europe per emigrimin e femijeve,apo qe u rikthye ne listen e zeze te vendeve qe pastrojne para,apo qe krimi i organizuar dhe dhjetra banda jane sheshit neper Shqiperi sot: vuri kujen ne mes te parlamentit e qan e qan aq fort per lleshajn.
Duket nje qarje qe shkon pertej kushtetutes,nje qarje, qe i del nga zemra,nga shpirti dhe nga trupi..
Mbaje veten kryeminister se le nam mos ngaterro punet e shtetit me punet e shpirtit.
