Monika Kryemadhi ka ndjekur të njëjtën strategji si Basha, duke përcjellë mesazhe përmes rrjetit social Facebook. Ajo çfarë të tërhiqte veshin, për një të stërvitur me politikën qesharake të ditës së ofruar nga politikanët tanë, lidhej me një shprehje të famshme të bashkëshortit të saj.
Vetëm se në këtë rast, ajo e modifikoi, duke qëndruar në të njëjtën linjë me mesazhin që po përcillte, ndërsa në Kuvend situata ishte e tensionuar. Ju kujtohet slogani i famshëm i Ilir Metës: Me qetësi e dashuri?
Duket se kjo moto e Metës, i shkon shumë edhe Monës, e cila e ripërsëriti, por pa lënë pas akuzat e ofezat ndaj Ramës.
“Ne nuk duhet të ndalemi asnjë minutë për ta demaskuar këtë fytyrë, i cili ka uzurpuar qeverisjen, por edhe parlamentin shqiptar. E bëj këtë thirrje nga kjo sallë me qetësi, por me vendosmëri, për tu bindur dhe për tu ngritur kundër këtij sistemi kriminal, dhe kundër këtij sistemi uzurpator, i cili ka uzurpuar jetën e shqiptarëve”. /M.S
Tirana Today
