Kryetarja e LSI-së, Monika Kryemadhi i bëri thirrje kryeministrit Edi Rama që të largohet nga qeverisja.
Në një takim me qytetarët në Skrapar, Kryemadhi tha se nuk do të lejohet më që të pushohen njerëzit nga puna padrejtësisht, ndërsa i paralajmëroi shqiptarët se viti tjetër do të jetë më i varfër dhe me më shumë taksa.
“Shqiptarët po varfërohen dhe po largohen cdo ditë, ne nuk do të lejojmë më që njerëzit të hiqen nga puna padrejtësisht.
U bëj thirrje edhe shqiptarëve që të zgjohen nga gjumi dhe të reagojnë.
I bëj thirrje Edi Ramës nga Skrapari i bukur që të largohet sa më parë që të shpëtojë Shqipëria, do shpëtojë edhe ai.
Viti i Ri do të jetë një vit shumë i varfër, ku shqiptarët do të paguajnë më shumë taksa, por duhet të kemi më shumë dashuri për njëri-tjetrin”, tha ndër të tjera Kryemadhi. TIRANA TODAY
