Kryetarja e LSI-së, Monika Kryemadhi i ka dërguar një letër ambasadorit amerikan Donald Lu dhe ambasadores së BE-së, Romana Vlahutin.
Në letër, Kryemadhi shpreh shqetësimin lidhur me problematikat e Reformës në Drejtësi, teksa shprehet se mazhoranca po kërkon ta bllokojë teksa ka prioritet kapjen e drejtësisë. Nga ana tjetër, Kryemadhi kërkon që të ndërhyjnë ndërkombëtarët për krijimin e një klime të re politike.
“Sjellja arrogante e mazhorancës ka minuar rëndë doaligun politik. Moment i patolerueshëm është përbuzja e opinioneve të dhëna nga ONM për kandidatë të caktuar nga Sekretari i Përgjithshëm i Kuvendit. Veprimet e mazhorancës janë të një linje politike që ka prioritet kapjen e drejtësisë. Kjo e fundit do të ketë pasoja të rënda politiko-shoqërore për vendin. LSI votoi pa asnjë mëdyshje reformën dhe 7 ligjet sepse ishin garante SHBA dhe BE. Koha i dha të drejtë mosvotimit të PD-së. Roli i ndërkombëtarëve është shumë i rëndësishëm për krijimin e një klime të re politike”, shkruhet ndër të tjera në letrën e Kryemadhit drejtuar Lu-së e Vlahutin.
