Sikundër edhe herët e tjera, kryetarja e LSI-së nuk ka mbajtur fjalorin, e është lëshuar me një lum akuzash ndaj Ramës. Me theks të veçantë tek Teatri Kombëtar, Kryemadhi premtoi në Kuvend se ajo do të jetë e para kundër ‘ruspave’, nëse vendoset që do të shembet Teatri. Ajo është tallur më tej me kryeminstrin, duke thënë se atij nuk i ka shkuar ndërmend të thoshte se tërmeti mund të shembte Teatrin. Teksa e ka sulmuar haptazi, Kryemadhi i ka kujtuar Ramës se me paratë e drogës, nuk mund të blejë dot qytetarët!
“Mendova se do ta shembte natën dhe do thoshte e rrëzoi tërmeti, por nuk i ka shkuar në mendje se nuk dihet se në ça efekti ka qenë.
Në kujtim të artistëve të mëdhenj që kanë luajtur në atë skenë dhe na skalitën shqiptarizmin, ky anti shqiptar kërkon ta rrëzojë. Për të kthyer vlerat e imoraliteti dhe të drogës.
Por edhe për LGBT, e them këtë se besoj në Zot. Unë do jem në resht të parë përpara ‘ruspave’ të Ramës, do jem aty se nuk ke parë asgjë akoma. Ti me paratë e drogës po blen median dhe prokurorinë, por gojën e shqiptarëve nuk e mbyll dot. Ti je vetëm, paraja nuk është shoku i mirë.
Paraja është një shok i keq, të hedh atje ku ti nuk e pret.
Tani grabit me ligj, paratë e buxhetit, me PPT e famshme, kushedi çdo shpikë ndonjë gjë tjetër, ne sot nuk i kemi votat për ta rrëzuar ligjin, ju i keni dhe shumë mirë, por ju e dini shumë mirë që mjaftojnë 100 veta për t’iu zbythur nga krimi, e patë ça ndodhi me rrugën e Kukësit”, përfundoi ajo.
