Jo vetëm brenda ambienteve të Kuvendit, por edhe jashtë saj vijon një situatë e tensionuar. Një përplasje u shkaktua mes Ballës e Kryemadhit, duke mos lënë pas kunjat me njëri-tjetrin.
Pas seancës e cila u ndërpre tre herë, Balla në një deklaratë të shkurtër për mediat tha se gruaja e presidentit bën zhurmuesin. Kaq ka mjaftuar që edhe Kryemadhi të mos ia përtojë, madje duke ia kthyer me të njëjtën monedhë.
Kryetarja e LSI-së iu drejtua Ballës duke i kërkuar që të mos merret me çështjet familjare, dhe se ai asnjëherë nuk do të bëhet Ministër i Brenshëm. Po kështu ajo iu rikthye akuzave të përmendura më herët, duke cituar se paratë e drogës po përdoren për Vettingun.
Balla: Patjetër edhe ju të flisni, se ty ta zuri Luli vendin dhe s’kishe mundësi të flasësh. Më vjen shumë keq që bashkëshortja e presidentit, ka filluar të bëjë zhurmuesin, por ky është fati i keq i opozitës.
Kryemadhi: Taulant nuk jam marrë as me motrën tënde, as me gruan tënde, në rregull. Kështu që rri urtë.
Balla: Më pëlqen edukata juaj!
Kryemadhi: Edukata ime është shumë e mirë, por mos u merr me çështje familjare, se nuk e dimë si dalim pastaj. Rri urtë! Nuk të shpëton Edi Rama, edhe nuk bëhesh dot Ministër i Brendshëm, ti zësh vendin Fatmir Xhafës.
