Në një konferencë për mediat, kryetarja e LSI-së Monika Kryemadhi u shpreh se gjendja e studentëve shqiptarë është e rëndë dhe se çdo premtim i kryeministrit dhe qeverisë është boshe. Kryemadhi deklaroi se LSI do të paraqesë dy amendamente në Kuvend sot që i jep zgjidhje situatës së studentëve.
Deklarata e Kryemadhit:
Mesazhi nga studentët është vetëm një: zgjidhja e problemeve dhe plotësimin e 8 kërkesave të tyre.
Premtim i qeverisë do të thotë edhe 30 vjet të tjera të humbura në jetën e rinisë. Detyrimi ndaj tyre të jetë pa kthim për të gjitha qeveritë që janë dhe do vijnë.
Deputetet e LSI do depozitojnë tani amendamentet me ligjet përkatëse që u japin përgjigje 8 pikave të studentëve
Amendament në ligjin e buxhetit 2019
Të ndryshohet totali i shpenzimeve dhe fondi për shkencën
Nga 7 miliardë të bëhet në 14 miliardë.
Ku janë këto para? Sot buxheti që ka miratuar qeveria, 46 % i kalon për të paguar koncesionarët e saj.
Studentët kërkojnë vetëm 1%.
Fondi për shkencën nga 600 milionë të bëhet 1 miliard.
Të krijohet fondi i emergjencës për përmirësimin e infrastrukturës së shoqërive dhe universitare. Paratë i gjen me anulimin e tenderit të unazës së re me kompani ofshore të Ramës. Duhen 5 miliardë lekë
Sot këto amendamente depozitohen në Kuvendin e Shqipërisë që zgjidhin 8 kërkesat e studentëve.
Kërkoj, menjëherë të kalojnë më urgjencë në seancën e nesërme dhe për t’ju dhënë zgjidhje për të dalë nga ky ngërç.
Të miratojmë me 140 vota në parlament kërkesat e studentëve, e vetmja mënyrë për ti rikthyer në bankat e shkollës.
