Drejtoria Vendore e Policisë Durrës tha zyrtarisht se një automjet është djegur gjatë mbrëmjs në Krujë. Mësohet se makina është në pronësi të shtetasit Sahit Hysa, i cili mbrëmjen e kaluar kishte shkuar për darkë tek motra. Makina raportohet se ishte e parkuar në brendësi të oborrit të banesës, por persona të paidentifikuar kanë hyrë dhe më pas i kanë vënë flakën mjetit.
Sahit Hysa është vëllai i Elion Hysës, i cili u gjend i groposur në Nikël më 14 korrik 2018, teksa sipas ‘balkanëeb’ pas vrasjes së tij qëndron një tjetër vrasje e ndodhur në vitin 2015 në Sarandë.
Familjarët i thanë Policisë në 2018-ën se Eljon Hysa po merrte një dyqan me qira në Nikël dhe kishte lënë një takim me telefon me një person nga kjo zonë, por që ai nuk u kthye më në shtëpi.
