Donald Tusk, presidenti i Këshillit Evropian, të hënën nga Sllovenia do të udhëtojë për Maqedoni dhe do të takohet me presidentin maqedonas Gjorge Ivanov.
Në ora 14:00 Tusk do të ketë takim me Ivanovin, i cili do të zgjasë gjysëm ore dhe do të jetë në katër sy, pa këshilltarë dhe diplomatë.
Sipas axhendës së Tusk, ai nuk planifikon takime me politikanë tjerë të Maqedonisë dhe në orën 14:30 është paraparë deklaratë e Tusk për gazetarët, ndërsa rreth orës 15:00 Tusk dhe Ivanov do të darkojnë së bashku, këtë radhë me këshilltarët e tyre.
