Negociatorët e dy forcave të mëdha politike, Taulant Balla dhe Oerd Bylykbashi, janë takuar midis tyre për të diskutuar detajet e pretendimeve të mazhorancës dhe opozitës për të zgjidhur krizën politike.
Balla dhe Bylykbashi janë të mandatuar prej kohësh nga PS dhe PD, por vetëm ditën e sotme kanë mundur të takohen me njëri-tjetrin.
Sipas burimeve nga takimi, thuhet se Bylykbashi i ka adresuar Ballës, kërkesën e Partisë Demokratike për krijimin e qeverisë teknike, ndërsa Balla ka shprehur qëndrimin e kryeministrit Rama për të dialoguar pa kushte, por duke gjendur një zgjidhje që të përfshijë opozitën në zgjedhjet e 18 qershorit.
