Eurodeputeti Eduard Kukan ka komentuar situatën politike në mbarë rajonin, ndërsa i ka cilësuar si shqetësuese krizat politike në Shqipëri dhe Maqedoni.
Në një intervistë për EWB, Kukan u shpreh se kjo krizë sjell probleme në zhvillimin demokratik.
“Ka probleme me funksionimin e rregullt të demokracisë. Institucione të caktuara kanë probleme në funksionim. Demokracitë e dobëta sjellin institucione të dobëta. Po përballemi me kriza në Shqipëri e Maqedoni, ndërsa Mali i Zi e Kosova luftojnë me bojkotin parlamentar. Situata jo e mirë duket si një prirje rajonale dhe kundër produktive për zhvillimin demokratik. Uroj të shohim një kthim të rëndësishëm nga ky trend”, theksoi Kukan.
