Autoriteti Turistik i Katarit, zyrtarët e Ministrisë së Brendshme dhe të Qatar Airways kanë mbajtur një konferencë për shtyp në kryeqytetin e vendit, Doha.
Kreu i Autoritetit dhe Sektorit të Zhvillimit të Turizmit, Hasan el-İbrahimi, tha se Qeveria e Katarit duke përjashtuar nga vizat qytetarët e 80 shteteve do të sjellë një ndryshim historik në fushën e turizmit. Ibrahim ka theksuar se vendet e përjashtuara nga vizat janë përzgjedhur sipas kritereve të përcaktuara dhe listës në mënyrë graduale do t’i shtohen dhe vende të tjera.
Kurse drejtori i kontrollit të pasaportave në aeroportin ndërkombëtar Hamed, Rashid el- Mezrui, sqaroi se qytetarët e vendeve të përfshira në liberalizmin e vizave nuk do të paguajnë asnjë detyrim gjatë hyrjes në Katar.
Më tej Mezrui deklaroi se vendet e përfshira në listë janë zgjedhur në bazë të vlerësimit nga Ministria e Brendshme, pikëpamjes së sigurisë, raportit dhe përvojës që aeroporti ynë ka me këto vende.
