Në vigjiljen e Krishtlindjes, Papa Françesku ka lëshuar një mesazh të fortë. Ai ka kërkuar nga njerëzit në vendet e zhvilluara që të kërkojnë një ketë më të thjeshtë e më pak materialiste.
Gjatë një shërbese në bazilikën e Shën Pjetrit në Vatikan, Papa dënoi ndarjen e thellë mes të varfërve dhe të pasurve.
“Le të pyesim veten: A më duhen vërtet të gjitha këto objekte materiale dhe këto receta të komplikuara për jetën? A mund të menaxhoj pa këto dhe të bëjë një jetë me një thjeshtësi edhe më të madhe?” ka pyetur Papa Françesku.
Sipas tij, lindja e Jezusit në varfëri duhet të bëjë që të gjithë të reflektojnë mbi kuptimin e jetës.
“Lindja e Krishtit vuri në pah një mënyrë të re të të jetuarit jo duke ngrënë e grumbulluar, por duke dhënë dhe ndarë me të tjerët”, tha ndër të tjera Papa Françesku.
