Duke iu referuar dy viteve të fundit për kultivimin e drogës dhe lajmeve që na vijnë nga Italia dhe Greqia për tonelata drogë që kapën në vendet e tyre, kuptojmë që në vend qarkullon para e madhe e pisët. Ambasadorin e OSBE-së në Tiranë, Bernard Borchardt në media deklaroi se në Shqipëri qarkullojnë 2 miliardë euro para nga droga. Të gjitha këto fitime marramendëse investohen në pasuri të paluajtshme dhe në biznese. Përmendim këtu rastin e Klement Balilit tw cilin mediat e greke i quajtën “Eskobari i Ballkanit”. Klement Balilit iu sekuestrua resorti “Santa Quaranta”.
Agjencia e Administrimit të Pasurive të Sekuestruara dhe Konfiskuara ka marrë në dorëzim 66 pasuri të paluajtshme dhe 11 biznese të dyshuara si produkt i krimit të organizuar, veprave penale apo financuese të terrorizmit.
Një raportin zyrtar të kësaj Agjencie për vitin e shkuar, sipas së cilës vlera e 11 prej këtyre pasurive të paluajtshme arrin në rreth 2.6 milionë dollar. Paralelisht agjencia ka marrë nën administrim edhe 30 llogari bankare të sekuestruara.
Po gjatë vitit të shkuar Agjencisë i janë kaluar nën administrim 16 pasuri të paluajtshme të konfiskuara, me vlerë rreth 2.8 milionë dollarë, ashtu si dhe 24 llogari bankare me vlerë rreth 7 milionë dollarë, shkruan Scan.
Agjencia bën me dije se një pjesë e pasurive nën administrim të saj janë nxjerrë në shitje, e disa të tjera jepen me qira. Ndërkohë që një pjesë e fondeve për vitin e shkuar u janë kaluar institucioneve shtetërore të përfshira në luftën kundër terrorizimit, si dhe qendrës për viktimat e trafikimit.
