Dalin detaje të reja lidhur me krimin monstruoz të ndodhur në Ballsh, ku Gazmend Musta vrau me thikë dy motrat Gentjana dhe Melisa Çaushaj.
Ora News ka siguruar kërkesën për vlerësimin e masës së sigurisë për krimin e 2 janarit 2019 të kryer në prani të dy fëmijëve të tij, 7 dhe 3 vjeç. Nga ky dokument zbulohen detaje shokuese të asaj pasditeje, në lagjen “5 shkurti” në Ballsh.
Duket se Musta e ka ‘humbur’ totalisht toruan, teksa pas sherrit me të shoqen, e ka goditur atë, por edhe kunatën dhjetëra herë me thikë, duke i masakruar të dyja në dhomën e ndenjes. Më pas, ai ka marrë fëmijët dhe është dorëzuar në stacionin policor, ku ka hedhur thikën në tokë dhe u ka kërkuar policëve që të kujdeseshin për fëmijët.
Në dokumentin e prokurorisë shkruhet se nga kqyrja në morgun e Spitalit Rajonal Fier, tek kufoma e Gentjana Çaushaj u vërejtën:
-plagë shpuese në gjoks
-dy plagë shpuese në gjirin e majtë
-një plagë tjetër në nivelin e sqetullës së majtë
-një plagë shpuese në krah të majtë
-dy plagë prerëse shpuese në parakrah të majtë
-dy plagë shpuese në pjesëne poshtme të barkut në të majtë
-dy plagë shpuese në kurriz
-një plagë në krah të djathtë në nivel të shpatullës.
Tek kufoma e Milisa Çaushaj (18 vjeçe) u vërejtën:
-dy plagë shpuese sipër gjoksit në nivelin e gropës së fytit, të tilla që depërtojnë deri në brendësi të zgavrës së gjoksit
-një plagë me prerje të dërrasës së kraharorit
-dy plagë në gjirin e majtë
-një plagë tjetër në nivelin e sqetullës së majtë
-një plagë tjetër në gjirin e majtë
-një plagë në parakrah të majtë
-një plagë tjetër në krah të majtë
-plagë në pjesën e sipërme të krahut të majtë
-dy plagë në 1/3 e poshtme të krahut të djathtë
-një plagë shpuese në bërrylin e djathtë
-dy plagë në 1/3 e kofshës së majtë
-plagë tjetër në pjesën anësore të kofshës së majtë
-plagë në kërcirin e këmbës së majtë
-plagë në kurriz midis shpatullave
-plagë në ijen e majtë.
