Në datën 8 qershor, edhe kreu i Kushtetueses, Bashkim Dedja, do të përballet me Vettingun.
Dedja do i nënshtrohet Vettingut më 8 qershor, sipas kalendarit të Komisionit të Pavarur të Kualifikimit.
Ai do të dalë para trupës gjykuese të kryesuar nga Valbona Sanxhaktari, dhe anëtar Roland Ilia dhe Xhensila Pine. Në pritje të caktimit të datës për seancën dëgjimore, është dhe anëtari tjetër, Gani Dizdari.
Në bazë të ligjit të Vettingut, kreu I Kushtetueses do të skanohet për tre kriteret, siç është ai i pasurisë, figurës dhe aftësive profesionale.
Deri tani, nga Gjykata Kushtetuese janë rrëzuar tre gjyqtarë, Fatos Lulo, Altina Xhoxhaj dhe Fatmir Hoxha, teksa Besnik Imeraj ka dhënë dorëheqjen dhe në pritje tashmë janë Dedja dhe Dizdari. E vetmja që ka kaluar me sukses Vettingun është Vitore Tusha.
Mesa duket, procesi i Vettingut po vijon me kalendar të ngjeshur, sa i takon skanimit të gjyqtarëve dhe prokurorëve në sistemin e drejtësisë.
