Kreu i FIFA-s letër Dukës: Fat, forcë dhe sukses

Armand Duka u rizgjodh presidenti i Federatës së Futbollit, për të pestin mandat radhazi. Edhe ndërkombëtarët i kanë përshëndetur këto zgjedhje duke i quajtur transparente dhe të ndershme. Pas kreut të UEFA-s, Aleksandër Ceferin, vjen edhe urimi i Presidentit të FIFA-s, z.Gianni Infantino, i cili përcjell në emër të tij dhe të institucionit të futbollit botëror, urimet për rizgjedhjen e z.Armand Duka në krye të FSHF, për katër vitet e ardhshme. Në letrën e tij, Presidenti i FIFA-s Infantino shkruan:

I dashur Armand!
Kam kënaqësinë që t’ju përgëzoj ngrohtësisht për rizgjedhjen tuaj si President i Federatës Shqiptare të Futbollit, për një mandat të pestë drejtues, për periudhën 2018-2022.
Gjithashtu ju lutem, përcilli urimet e mia edhe të gjithë kolegëve tuaj, anëtarë të Komitetit Ekzekutiv të FSHF, të zgjedhur së bashku me ju.
Ju uroj ju dhe skuadrës tuaj sa më shumë fat, forcë dhe çdo sukses për të gjitha sfidat që keni përpara!
Mbetem në pritje t’ju shoh sërish dhe t’ju uroj personalisht.
Përqafime!
I Juaji
Gianni Infantino