Sonte në Krajë në orën 20.00 zhvillohet manifestimi jubilar “Ne fillim të verës” për të vitin e 25 radhazi, ku një program i zgjeruar kulturoro-artisktik dhe sportiv, do të shoqërojë mbrëmjen,për të ruajtur traditën tashmë shumë vjeçare që ka krijuar ky organizim.
Kryetari i këshillit organizues Ismail Doda, shprehet se duhet të mbështetet më fort financiarisht ky aktivitet që identifikon Krajën, nga organet shtetërore e jo vetëm nga diaspora, e cila për vite të tëra e ka suportuar këtë manifestim. “Në fillim të verës” si çdo vit edhe këtë herë do të sjellë një program kulturor e argëtues,me këngëtarë e valltarë të melosit shqiptar,instrumentistë,poetë e humoristë,por nuk do të mungojë as kuzhina tradicionale me specialitetet e Krajës.
Kraja është një oazë etnike, arsimore dhe shkencore e shqiptarëve në Mal të Zi, ajo nëpër shekuj e ka thelluar, kultivuar, trashëguar dhe begatuar mençurinë e popullit shqiptar, që është një margaritar i cili do t’i përballojë jo vetëm kohës, por besoj edhe epokës. Kjo trevë ishte dhe vazhdon të mbetet djepi i mençurisë së popullit.
