Komisioni Qendror i Zgjedhjeve, me 7 vota pro vendosi që partitë politike të cilat do të marrin pjesë në zgjedhjet e 18 qershorit, krahas listës shumemërore të kandidatëve, të paraqesin dhe një jetëshkrim të shkurtër të secilit prej tyre.
Ky jetëshkrim, së bashku me formularin e vetëdeklarimit, do të jenë të aksesueshme nga të gjithë votuesit në faqen e internetit të KQZ-së.
“Për herë të parë, bashkë me listën shumemërore, ne do të publikojmë edhe CV-në për çdo kandidat, në mënyrë që kandidatët të kenë mundësi që të dinë se çfarë përfaqësojnë ata”, u shpreh kreu i KQZ, Denar Biba.
