Studentët e Universitetit të Prishtinës kanë dalë sot në protestë, ku kërkojnë liberalizimin e vizave për qytetarët kosovarë.
Fillimisht Parlamenti Studentor i USH filloi marshin protestues nga Fakulteti Filozofik për tek Zyra e Bashkimit Evropian në Prishtinë për të kërkuar heqjen e vizave.
Kosova kërkon prej kohësh liberalizimin e vizave, teksa edhe pas plotësimit të kritereve, shtetasit e Kosovës vijojnë të mbahen peng të politikave europiane.
Bashkimi Evropian ka parë vitin 2020 si më të mundshmin për arritjen e liberalizimit të vizave për Kosovën. Pak ditë më parë, kryeministri Haradinaj ka deklaruar se beson që liberalizimi do të ndodhë sivjet.
