Një ngjarje aspak e këndshme ka ndodhur në Fushë Krujë. Polici i një burgu ka vjedhur çantën e një kosovari, i cili e ka ndihmuar.
Në pranga ka rënë shtetasi Sokol Pjetërgjoka, punonjës i policisë. Ky i fundit ka qenë turni i tretë dhe kishte dalë në rrugë në pritje të ndonjë makine për të shkuar në punë.
Një makinë ku udhëtonin tre kosovarë ka ndaluar duke e dërguar policin afër punës, pasi andej kishin rrugën.
Kur ka zbritur nga makina, punonjësi i policisë ka vjedhur edhe çantën e njërit prej kosovarëve që ishin në mjet. Pas denoncimit, polici është mbajtur nën vëzhgim, ndërsa gjatë kontrollit në kasafortën e burgut u gjet çanta e vjedhur e kosovarit me disa dokumente dhe rreth 800 euro.
