Duket se Vlora nuk është më destinacioni i preferuar i kosovarëve për të kaluar festat e Pavarësisë. Ditën e sotme, në doganën e Morinës ka pasur më pak lëvizje drejt Shqipërisë e konkretisht drejt Vlorës, ndryshe nga vitet e tjera.
Më të shumtë ishin qytetarë nga Shqipëria që udhëtuan drejt Prizrenit e Prishtinës. E përsëri, radhët në kufi vijojnë të mbeten një problematikë për qytetarët, të cilët kanë reaguar duke u rënë borive.
Në pikën e kalimit kufitar nuk munguan dekoret për vendosjen e flamujve kombëtarë në cdo cep të doganës.
