Kosova i ka paraprirë Shqipërisë në procesin e identifikimit dhe regjistrimit të shtetasve të saj në diasporë. Interesat e emigrantëve të Kosovës nëpër botë, përfaqësohen nga një institucion në qeveri, Ministria e Diasporës, sikundër nuk ndodh në vendin tonë.
Sipas kësaj ministrie, afro 400 mijë emigrant janë regjistruar në procesin e regjistrimit të diasporës.
Raporti paraprak pritet të publikohet më 10 qershor, ndërkohë që ai përfundimtar është planifikuar të bëhet publik në vitin 2022. Sipas të dhënave që ka Ministria e Diasporës, rreth 98 për qind e të regjistruarve janë regjistruar në mënyrë fizike dhe vetëm rreth 2 për qind në platformën online, shkruan sot Koha Ditore.
Të regjistruarit thuhet se janë kryesisht nga shtetet e Evropës.
