Ka marrë fund gara e xhudistëve kosovarë në Kampionatin Botëror të xhudos, që po mbahet në Budapest.
Nora Gjakova, xhudistja e fundit e Kosovës, u eliminua në rrethin e tretë të garës për kategorinë deri në 57 kilogramë.
Ajo u eliminua nga Youjeong Kwon, xhudistja që përfaqësonte Korenë e Jugut.
Sot u eliminua edhe Akil Gjakova në rrethin e dytë të Botërorit, pasi u mposht nga xhudisti nga Azerbajxhani, Rustam Orujov.
Dje u eliminuan Distria Krasniqi dhe kampionia Majlinda Kelmendi, duke lënë Kosovën pa asnjë medalje.
