Federata serbe e futbollit është dënuar nga FIFA me një shumë pre 160 mijë frangash, për koret raciste të thirrura në stadiumet e tyre , ku përfshihen edhe ato në përballjen e Partizanit të Beogradit dhe Skënderbeut, “Kosova është Serbi”. Sipas organizatës më të madhe të futbollit, parulla politike dhe diskriminuese janë shfaqur në ndeshjet kundër Austrisë (në udhëtim) dhe ndaj Gjeorgjisë (si vendas).
Po ashtu janë gjobitur edhe pesë federata të tjera, kryesisht ato të Amerikës Latine që kanë thirrur kore raciste kundër homoseksualëve. Argjentina është dënuar me 40.000 franga zvicerane, Peruja me 25.000 franga zvicerane, Kili me 20.000 franga zvicerane, Brazili dhe Meksika me nga 10.000 franga zvicerane.
Po ashtu edhe për ndeshjen e zhvilluar në Europa League mes Partizanit të Beogradit dhe Skënderbeut, ku janë dëgjuar thirrje raciste kundër shtetit të pavarur të Kosovës.
Mirëpo, zëdhënësja e klubit serb u kishte thënë gazetarëve, se ishin ndaluar koret kundër Shqipërisë, ndërsa ato për Kosovën lejoheshin.
“Thirrjet për Kosovën nuk konsiderohen problematike nga UEFA, ndërsa tifozët kanë të drejtë të brohorasin se Kosova është e Serbisë”, pati deklaruar ajo.
