Përditësuar/ Gjykata në Greqi ka vendosur masën e paraburgimit për ish-ministrin e Mbrojtjes, Janos Papantoniou dhe bashkëshorten.
Ata akuzohen për “korrupsion” dhe “pastrim parash”.
09:40- Në akuzat për korrupsion, në pranga ka rënë ish-ministri i Mbrojtjes së Greqisë, së bashku me gruan.
Lajmin e përcjellin mediat greke, ku bëjnë me dije se policia është hedhur në veprim gjatë natës.
Policia ka bërë të mundur arrestimin e ish-ministrit të Mbrojtjes, dhe një nga politikanët korife të Pasok, Janos Papantoniou. Bashkë me të është arrestuar dhe bashkëshortja e tij, Stavrula Kuraku.
Papantoniou akuzohet se ka marrë 2,8 milionë euro për kontrata të Ministrisë së Mbrojtjes, gjatë kohës që ishte në post. Ai ka qenë pjesëtar i qeverive të Pasok-ut në vitet 1993-2004.
