Sikundër Italia, edhe Shqipëria do të nxjerrë ushtrinë në rrugë. Ky është informacioni që disponon “Tirana Today”, ndërsa risku nga koronavirusi është i lartë. Burime jo zyrtare na bëjnë me dije se autoritetet do të nxjerrin në rrugë ushtrinë, për të mbajtur situatën nën kontroll.
Deri më tani, autoritetet shëndetësore kanë identifikuar edhe 2 raste të tjera të prekur me koronavirus në vendin tonë.
Në një dalje për mediat, zv/Ministrja e Shëndetësisë, Mira Rakacolli, tha se një nga dy të prekurit është i afërt me pacientin zero, ndërsa tjetri është identifikuar në Lushnje. Të dyja rastet janë në vëtëizolim, dhe në gjendje të mirë shëndetësore.
Në total deri më tani janë testuar 157 persona, dhe vetëm 12 prej tyre janë identifikuar të prekur me koronavirus. Nga këta, 9 kanë lidhje kontakti me pacientin zero, pra 28-vjeçarin i cili ishte i pari i identifikuar me Covid-19.
