Koronavirusi ka mbyllur kompanitë më të mëdha anembanë globit. Të gjunjëzuar para virusit vdekjeprurës, shumë kompani kanë vendosur të mbyllen. Covid-19 ka mbyllur kompaninë më të madhe fast-food-i. MC. Donald në botë, ka njoftuar se do të mbyllë 1350 dyqanet në Britaninë e Madhe dhe Irlandë.
Dyqanet të cilat kanë 135.000 punëtorë, do të mbyllen deri në orën 19:00 të ditës së sotme. Lidhur me këtë vendim, një zëdhënës i MC Donald ka thënë për “Sun Online” se të gjithë punonjësit e restoranteve në pronësi të kompanisë, do marrin pagë të plotë për orët e punës të planifikuara deri më datën 5 prill.
