Koreja e Veriut dhe ajo e Jugut kanë bërë një hap të madh për thellimin e paqes mes tyre. Së fundmi, të dyja vendet kanë shprehur vullnetin e përbashkët për organizimin e Lojërave Olimpike.
Fillimisht, ky vullnet u shpreh në muajin shtator gjatë një takimi të dy udhëheqësve Kim Jong-un e Moon Jae-in.
Dy delegacionet e autoriteteve sportive të Koresë së Veriut dhe asaj të Jugut, mbajtën një takim në territorin koreano-verior, ndërkohë që për këtë çështje është njoftuar edhe Komiteti Olimpik Ndërkombëtar.
Bashkëpunimi në aspektin sportiv mes dy Koreve nisi në Lojërat Olimpike të Pyeongchangut, kur këto dy vende sfiluan në ceremoninë e hapjes nën të njëjtin flamur, ndërkohë që në turneun e hokejit në akull konkurruan me një skuadër të përbashkët.
