Udhëheqësi i Koresë së Veriut Kim Jong-un, ka pranuar zyrtarisht se vendi i tij po përballet me mungesa të ushqimit. Duke iu drejtuar një takimi të udhëheqësve të lartë, Kim tha se situata e ushqimit për njerëzit tani po tensionohet, shkruan BBC.
Ai tha se sektori i bujqësisë kishte dështuar të përmbushte objektivat e tij të grurit për shkak të tajfuneve vitin e kaluar, i cili shkaktoi përmbytje. Ka raporte që çmimet e ushqimeve kanë pësuar rritje, me NK News që raporton se një kilogram banane kushton 45 dollarë.
Koreja e Veriut ka mbyllur kufijtë e saj për të frenuar përhapjen e Covid-19, dhe për pasojë i rezultat, tregtia me Kinën ka rënë ndjeshëm. Koreja e Veriut furnizohet nga Kina me ushqim, pleh dhe karburant.
Kreu autoritar i shtetit të vetëm partiak, foli për situatën e ushqimit në komitetin qendror të Partisë së Punëtorëve në pushtet, i cili filloi këtë javë në kryeqytetin Penian.
Gjatë takimit, Kim tha se prodhimi kombëtar industrial ishte rritur me një të katërtën në krahasim me të njëjtën periudhë të vitit të kaluar.
