Koreja e Veriut kreu një provë tjetër me raketë balistike që mendohet të ketë rënë në ujërat territoriale të Japonisë. Kjo është prova e dytë e Phenianit në javët e fundit.
Zyrtarë nga SHBA-ja dhe Japonia kanë thënë se kanë detektuar atë që pritet të jetë raketë balistike e lansuar nga Koreja e Veriut.
Zëdhënësi i Pentagonit, Jeff Davis e konfirmoi njoftimin. Sipas tij, prova u krye rreth orës 10:45, sipas kohës së Uashingtonit.
“Unë mund të konfirmoj se kemi detektuar lansimin e një rakete balistike nga Koreja Veriore”, tha Davis.
Kryeministri japoznez, Shinzo Abe, ka thënë se ka mbajtur një takim urgjent pas raportimeve për lansim të raketës.
Transmetuesi publik japonez, NHK ka thënë se Koreja Veriore ka nisur raketën sot në orën 17:00, dhe mund të zbresë në zonën ekonomike të Japonisë.
Edhe para testimeve të fundit të raketave, tensionet ishin rritur në SHBA, Japoni dhe Korenë Jugore, të cilat vazhdimisht i kanë dënuar testimet që po kryen Penjani.
Programet bërthamore dhe ato të raketave balistike të Koresë Veriore janë të ndaluara me rezolutë të OKB-së, mirëpo Penjani vazhdon të bëjë testime të tilla.
