Ministria e jashtme e Koresë së Veriut thotë se “i kundërshton plotësisht” sanksionet më të reja të Kombeve të Bashkuara, pasi i konsideron si “akt armiqësor” dhe do ta vazhdojë zhvillimin e armatimit atomik. Deklarata erdhi një ditë pasi Këshilli i Sigurimit i OKB-së e ka miratuar rezolutën për sanksione të reja kundër zyrtarëve dhe entiteteve të Koresë së Veriut.
Me këto sanksione imponohet ndalesa e udhëtimit dhe bllokim i pasurive për 14 zyrtarëve të Koresë së Veriut, përfshirë personin, Cho Il U, për të cilin besohet se është i ngarkuar me opercionet e jashtme të spiunimit. Në listë gjenden edhe katër entitete, përfshirë Koryo Bank. Sipas të dhënave qeveritare të Koresë Jugore, kjo bankë i menaxhon transaksionet përtej oqeanit për një organ sekret i cili kujdeset për fondet e fshehta private të udhëheqjes së Koresë Veriore.
Lajmi u transmetua nga agjencia zyrtare e lajmeve për Korenë e Veriut, KCNA.
