Policia e Korçës ka goditur një grup kriminal që merrej me trafikimin e lëndëve narkotike, shpërndarjes të drogave të forta, duke vënë në pranga 7 persona.
Finalizimi i operacinit policor të koduar “Piramida”, vjen në vijim të dy operacioneve antidrogë të finalizuar më parë “Lapidari” dhe “Pusteci”, pas një hetimi disa mujor, zhvilluar nga Seksioni për Trafiqet e Paligjshme dhe Narkotikët në DVP Korçë, Prokuroria, Policia Kufitare Korçë në bashkëpunim me Forcat e Posaçme Operacionale në Policinë e Shtetit.
”Falë një pune intensive hetimore dhe provave të grumbulluara, u bë e mundur që në fazën e dytë të operacioneve “Lapidari” dhe “Pusteci”, të finalizuar më datë 08.11.2020, 14.01.2021, në Vithkuq-Korçë dhe Cerje-Pustec, si edhe ngjarjes së ndodhur më datë 08.06.2020, në Kolonjë, të dokumentohej me prova ligjore, implikimi i 7 shtetasve të lartpërmendur në aktivitetin e paligjshëm që ushtronte ky grup i strukturuar kriminal.’’, informon policia.
Të arrestuarit:
-A.M., 23 vjeç, banues në Çiflig, Korçë (në rolin e transportuesit).
-M.A., 32 vjeç, banues në Pojan, Maliq (në rolin e transportuesit).
-M.T., 37 vjeç, banues në Moravë, Korçë (i dënuar më parë për prodhim dhe shitje narkotikësh, në rolin e organizatorit të grupit).
-Xh. A., 28 vjeç, banues në Korçë (në rolin e poseduesit).
-E.T.39 vjeç, banues në Korçë (me precedent të mëparshëm penal në fushën e krimeve kundër jetës, subjekt i OFL-së për të deklaruar pasurinë, në rolin e poseduesit).
-N.J., 53 vjeç, banues në Moravë, Korçë (në rolin e poseduesit).
-M. M., 33 vjeç, banues në Borovë, Kolonjë (në rolin e poseduesit).
Në cilësinë e provës materiale në ngjarjet e mësipërme u sekuestruan në total 23 kg e 600 gr sasi e dyshuar narkotike kanabis; 6 gr lëndë e dyshuar narkotike kokainë; 1 armë gjahu teke; 7 automjete; 16 celularë; sasi në lek dhe euro.
Materialet në ngarkim të tyre i kaluan Prokurorisë pranë Gjykatës së Shkallës së Parë Korçë për veprime të mëtejshme.
