Një shtëpi e re mbështetëse për personat me probleme mendore është inuguruar në kuadër të Ditës Botërore të Shëndetit.
Inaugurimi u bë nga zv/Kryeministri, Niko Peleshi, Ogerta Manastirliu, ministre e Shëndetësisë, Dr. Nazira Artykova, përfaqësuese e OBSH-së, në Shqipëri, dhe Drejtore e Zyrës Vendore të OBSH-së, si dhe përfaqësues të pushtetit vendor.
Kjo shtëpi ndodhet në Korçë dhe është rikonstrukturuar e pajisur me fonde të buxhetit të shtetit, me vlerë 42.8 milionë lekë.
Brenda saj do të akomodohen 12 banorë me probleme të shëndetit mendor, të cilët transferohen nga Spitalet Psikiatrik. Në vendin tonë, në total janë 13 shtëpi mbështetëse, në të cilat janë akomoduar 138 banorë me probleme të shëndetit mendor.
