Një aksident ka ndodhur në fshatin Zvezdë të Korçës, ku shoferi i një automjeti ka humbur kontrollin dhe ka dalë nga rruga.
Brenda mjetit tip Nissan udhëtonin edhe 4 pasagjerë, të cilët janë lënduar bashkë me shoferin.
Mësohet se të lënduarit janë dërguar në Spitalin e Korcës dhe janë identifikuar me inicialet B.T, 49 vjeç; F.T, 46 vjeç, Q.T, 47 vjeç, S.T, 19 vjeç banues në Cërrik dhe E.M, 35 vjeç, banues në Gramsh.
Sipas të dhënave paraprake, shtetasi B.T. është në gjendje të rëndë shëndetësore.
