Pas një sërë kontrollesh të cilat janë zhvilluar në një sërë burgje të vendit, policia ka gjetur sende të shumta si telefona celularë, mjete prerëse të improvizuara nga të burgosurit dhe lëndë narkotike.
Po kështu mësohet se janë proceduar penalisht gjithsej 13 persona, si dhe është pezulluar nga detyra Shefi i Policisë në IEVP Drenovë të Korçës, për thyerje të skemës së sigurisë.
Bazuar në këto kontrolle është arritur që gjatë një periudhë 3 javore të kapen:
– 17 telefona celularë, 6 karta sim dhe 9 aksesorë të tjerë telefonash celularë;
-135 doza lëndë narkotike e dyshuar kanabis sativa;
-27 mjete prerëse të improvizuara nga të burgosurit.
Për shkeljet e konstatuara janë marrë masa administrative për punonjësit përgjegjës të burgjeve. Konkretisht janë pezulluar nga detyra:
-Shefi i Policisë në IEVP Drenovë të Korçës, për thyerje të skemës së sigurisë
-Një specialist i grupit të sigurisë në IEVP Drenovë të Korçës, për falsifikim dokumentesh
– Një specialist trupe në IEVP Fushë Krujë.
Janë proceduar penalisht gjithsej 13 persona:
-1 punonjës policie për veprat penale të “Shpërdorimit të detyrës” dhe “Futja e sendeve të ndaluara nga personi që ka për detyrë t’i ruajë ato”.
– punonjës policie për vepren penale të “Falsifikimit të dokumentave”.
-11 të dënuar dhe paraburgosur për veprën penale “Futja e sendeve të ndaluara”.
-1 familjar i të dënuarit, për veprën penale “Futja e sendeve të ndaluara”.
Në bashkëpunim me Policinë e Shtetit janë referuar në organin e Prokurorisë 3 raste për veprën penale “Prodhim dhe shitje e lëndëve narkotike”.
Ky nuk është rasti i parë, pasi ndër vite janë kapur drogë, sende të forta dhe celularë në burgje. Megjithëse ka një sistem shumë të rreptë kontrolli dhe kamera monitorimi, sërish ndodh që ato të depërtojnë brenda këtij institucioni.
